"കായ-ബാല-ഗൃഹ-ഊര്‍ദ്ധ്വാംഗ-ശല്യ- ദംഷ്‌ട്ര-ജരാ-വൃഷാന്‍'' എന്നീ എട്ട്‌ അംഗങ്ങളിലെയും ചികിത്സ ലഭ്യമാണ്‌. അതായത്‌ ജനറല്‍ മെഡിസിന്‍, ശിശുരോഗചികിത്സ, മാനസികരോഗചികിത്സ, കണ്ണ്‌ (Ophthalmology),ചെവി-മൂക്ക്‌-തൊണ്ട (ENT), ശസ്‌ത്രകര്‍മ, ക്ഷാരകര്‍മ, അഗ്നികര്‍മ ഇവ ചേര്‍ന്ന ശല്യതന്ത്രം, ത്വക്‌-വിഷചികിത്സാശാസ്‌ത്രം (Skin & Toxicology), രസായനചികിത്സ (Rejuvinative Treatment), വന്ധ്യതാചികിത്സ (Infertility Treatment) എന്നീ വൈദ്യശാഖകളിലെ ചികിത്സകള്‍ ഇവിടെ ലഭ്യമാകുന്നു.

വമനം, വിരേചനം, നസ്യം, വസ്‌തി, രക്തമോക്ഷം എന്നിവയാണു പഞ്ചകര്‍മങ്ങള്‍. ഈ ക്രിയകള്‍ക്കായി ശരീരത്തെ ഒരുക്കുന്ന പൂര്‍വകര്‍മങ്ങളാണ്‌ സ്‌നേഹസ്വേദങ്ങള്‍. അതായത്‌ നെയ്‌സേവ, അഭ്യംഗം, ഉഴിച്ചില്‍, പിഴിച്ചില്‍, കിഴി മുതലായവ. പഞ്ചകര്‍മചികിത്സ കഴിഞ്ഞുള്ള പഥ്യാചാരമാണു പശ്ചാത്‌കര്‍മം. പഞ്ചകര്‍മചികിത്സ ഇവിടെ ലഭ്യമാണ്‌.

ആയുര്‍വേദശാസ്‌ത്രത്തിലെ അഷ്‌ടാംഗങ്ങളിലൊന്നായ `ശല്യതന്ത്ര'ത്തില്‍ ശസ്‌ത്രകര്‍മം, ക്ഷാരകര്‍മം, അഗ്നികര്‍മം എന്നിങ്ങനെ മൂന്നുതരം ചികിത്സാസമ്പ്രദായങ്ങളുണ്ട്‌ അതില്‍ അഗ്നികര്‍മം പെട്ടെന്നു ഫലം ലഭിക്കുന്നതിനാലും പിന്നീട്‌ ആവിര്‍ഭവിക്കില്ലെന്നതിനാലും `ശ്രേഷ്‌ഠചികിത്സ' എന്നറിയപ്പെടുന്നു.
1. ആണിരോഗം (Corn),
* ഉപ്പൂറ്റിവേദന (Plantar fasciitis & Calcaneal spur)
* കൈപ്പത്തിതരിപ്പ്‌ (Carpel tunnel syndrome)
* കൈമുട്ടുവേദന (Tennis elbow)
* അരിമ്പാറ, പാലുണ്ണി (Warts)
* കറുത്ത മറുക്‌ (Mole)
* കാല്‍മുട്ടുവേദന (in English)
* വിരലുകള്‍ നിവര്‍ത്താന്‍ പറ്റാതെ
നിശ്ചലമായിപ്പോകുന്ന അവസ്ഥ (Trigger fingers)
* നടുവേദനയും കാലിലേക്കുള്ള വേദനയും
(Law back pain & Sciatica)

മുതലായ രോഗങ്ങള്‍ ഏതാനും മിനിറ്റുകള്‍ അഗ്നികര്‍മം ചെയ്യുമ്പോള്‍ മാറുന്നു എന്ന അത്ഭുതകരമായ അനുഭവം ഈ ചികിത്സയുടെ പ്രത്യേകതയാണ്‌. ഇതു കൂടാതെ വേദനയും നീര്‍കെട്ടുമുള്ള ഭാഗങ്ങളിലും, ഏതാനും മിനിറ്റുകള്‍കൊണ്ടു ചികിത്സിച്ചുമാറ്റാവുന്ന, അത്ഭുതകരമായ, ഭാരതത്തിന്റെ മഹത്തായ ചികിത്സാരീതിയാണിത്‌. ആയുര്‍വേദത്തിലെ ശസ്‌ത്രക്രിയാവിഭാഗം അനേകകാലം മൃതമായി കിടക്കുകയായിരുന്നു. അതില്‍ ശസ്‌ത്രക്രിയയൊഴികെ ക്ഷാരകര്‍മം, അഗ്നികര്‍മം എന്നിവ പുനരുദ്ധരിച്ച്‌ ജനങ്ങള്‍ക്ക്‌ ആശ്വാസമരുളിക്കൊണ്ടിരിക്കുന്നു

ശരീരം മുഴുവന്‍ വ്യാപിച്ച ദോഷങ്ങള്‍ക്കും ഏതെങ്കിലും പ്രത്യേക ഭാഗത്തുമാത്രം ദോഷദുഷ്‌ടിയുള്ളതുമായ രോഗങ്ങളില്‍ രക്തമോക്ഷം ചെയ്യുന്നു. വിട്ടുമാറാത്ത ചില ത്വഗ്രോഗങ്ങള്‍ക്കും വെരിക്കോസ്‌ അള്‍സറിനും വേദനയും നീരുമുള്ള ചില രോഗാവസ്ഥകളിലും രക്തമോക്ഷം ചെയ്യാറുണ്ട്‌. ജളൂകാവചരണം, സിരാവേധം, പ്രച്ഛാനനം മുതലായ രീതികളാണ്‌ ഇതിനവലംബിക്കുന്നത്‌. ആയുര്‍വേദിക്‌ ക്ലിനിക്കല്‍ കൊസ്‌മെറ്റോളജി (Ayurvedic Clinical Cosmetology)

ഹോര്‍മോണ്‍ വ്യതിയാനംകൊണ്ടോ പോഷകാംശങ്ങളുടെ കുറവുകൊണ്ടോ ത്വക്‌, മുഖം, തലയോട്ടി, മുടി എന്നിവയിലുണ്ടാകുന്ന അസുഖങ്ങള്‍ക്കു തികച്ചും ആയുര്‍വേദഔഷധങ്ങള്‍ ഉപയോഗിച്ചു ചെയ്യുന്ന ചികിത്സ. Cleansing, Bleach massage, Pack, Hair colouring മുതലായവ ആധുനികഉപകരണങ്ങളുടെ സാഹായത്തോടുകൂടി വിദഗ്‌ദ്ധ ഡോക്‌ടറുടെ മേല്‍നോട്ടത്തില്‍മാത്രം ചെയ്യുന്നു.

താന്ത്രിക്‌ റെയ്‌കി (Tantric Reiki) പഠനം `ഞലശ' എന്നാല്‍ പ്രപഞ്ചത്തില്‍ മുഴുവന്‍ നിറഞ്ഞുനില്‍ക്കുന്നത്‌ എന്നാണര്‍ത്ഥം. `ഗശ' എന്നാല്‍ പ്രാണശക്തി (ഊര്‍ജം) എന്നും. അദ്ധ്യാത്മവിദ്യയായ റെയ്‌കി ഗുരുശിഷ്യസമ്പ്രദായപ്രകാരം `ദീക്ഷ'യിലൂടെയാണു സ്വായത്തമാകുന്നത്‌. വിദ്യയും സാധനയും തികഞ്ഞ ഗുരുവില്‍നിന്നും വിധിപ്രകാരം ദീക്ഷിതനായ ശിഷ്യനു പ്രപഞ്ചപ്രാണനെ ലക്ഷ്യസ്ഥാനമായ കാരണങ്ങളിലേക്കു പ്രവഹിപ്പിക്കുവാന്‍ കഴിഞ്ഞാല്‍ പ്രശ്‌നങ്ങള്‍ പരിഹരിക്കപ്പെടുന്നു. രോഗങ്ങളെ മാറ്റുവാന്‍ കഴിയും എന്നതിലുപരി ആത്മീയസാധനകൂടിയാണത്‌. ലോകത്തു നിലനില്‍ക്കുന്ന തന്ത്രശാസ്‌ത്രങ്ങളെല്ലാം പഠിച്ചു സ്വതപസ്സുകൊണ്ടു ജപ്പാനിലെ മികാവോ ഉസൂയി എന്ന അഭിനവഋഷി പുനരുദ്ധരിച്ച ചികിത്സാസമ്പ്രദായവും സാധനാസമ്പ്രദായവുമാണു റെയ്‌കി. ശാരീരികവും മാനസികവുമായ, സ്ഥൂലവും സൂക്ഷ്‌മവുമായ എന്തിനെയും ദൂരങ്ങളിലേക്കും കാലങ്ങളിലേക്കും പ്രപഞ്ചപ്രാണനെ അയക്കുവാനും പ്രശ്‌നങ്ങളെ പരിഹരിക്കുവാനും കഴിയുന്ന ഈ സമ്പ്രദായം നാലു ഡിഗ്രികളിയായിട്ടു പഠിപ്പിക്കുന്നു.

മുഴുവന്‍ ശരീരത്തെയും കൈപ്പത്തിയില്‍ പ്രതിനിധാനം ചെയ്‌തുകൊണ്ടു രൂപപ്പെടുത്തിയ ചികിത്സാശാസ്‌ത്രമാണിത്‌. ചൈനയുടെ അക്യുപങ്‌ചര്‍തെറാപ്പിയില്‍നിന്നും കൊറിയന്‍ ശാസ്‌ത്രജ്ഞനും തത്വചിന്തകനുമായ പാര്‍ക്‌ ജെ. വൂ എന്ന പ്രൊഫസറാണ്‌ ഈ ചികിത്സാരീതി വികസിപ്പിച്ചെടുത്തത്‌. ശരീരത്തില്‍ എവിടെ അസുഖമുണ്ടെ ങ്കിലും കൈപ്പത്തിയില്‍, അതിന്റെ സദൃശമായ ശരീരഭാഗങ്ങളില്‍ (Correspondent) ലക്ഷണങ്ങള്‍ കണ്ടെത്താമെന്നു ഈ ശാസ്‌ത്രം പറയുന്നു. എനര്‍ജി ബ്ലോക്കായോ വേദനയായോ കാണുന്ന ഈ ലക്ഷണങ്ങളെ സൂചി (Needle), മോക്‌സാ (Moxa), ചക്രമാഗ്‌നെറ്റ്‌, മോതിരം (Ring), കളര്‍ തെറാപ്പി (Colour Therapy), വിത്തുതെറാപ്പി (Seed Therapy) മുതലായ മര്‍ഗങ്ങളുപയോഗിച്ചു മാറ്റുമ്പോള്‍ രോഗങ്ങള്‍ പരിഹരിക്കപ്പെടുന്നു. ശരീരത്തിലെ രക്തചംക്രമണംപോലെത്തന്നെ ഊര്‍ജപ്രവാഹവുമുണ്ട്‌. ഇതിനു രോധം വരുന്നതു രോഗങ്ങള്‍ക്കു കാരണമാകുന്നു. ഈ ജീവശ്ശക്തി (Vital Force Energy) പ്രവഹിക്കുന്ന പന്ത്രണ്ടു ചാനലുകള്‍ സുഗമമായി പ്രവര്‍ത്തിച്ചാല്‍ മാത്രമേ ശാരീരികപ്രവര്‍ത്തനങ്ങളും സുഗമമായിരിക്കുകയുള്ളൂ. ലോകാരോഗ്യസംഘടന (ണഒഛ) അംഗീകരിച്ച ഈ കൊറിയന്‍ചികിത്സാസമ്പ്രദായം ലോകമെങ്ങും പ്രചരിച്ചുവരുന്നു.

ശരീരം മുഴുവന്‍ ജീവശ്ശക്തി (Vital Power) ഉണ്ടെങ്കിലും ചില പ്രത്യേക സ്ഥാനങ്ങളിലതു കൂടുതലായി കാണ പ്പെടുന്നു. രക്തധമനികള്‍ (Arteries) രക്തവാഹിനികള്‍ (Veins), ഞരമ്പുകള്‍ (Nerves) എന്നിവ കടന്നുപോവുന്ന ജങ്‌ഷനു-(Junctions) കളില്‍, ഗ്രന്ഥികളുടെ സ്ഥാനങ്ങളില്‍ ഒക്കെയാവാം അത്‌. ഈ മര്‍മസ്ഥാനങ്ങളില്‍ മര്‍ദംകൊടുത്ത്‌ ഊര്‍ജത്തിന്റെ രോധം മാറ്റുകയും ഊര്‍ജപ്രവാഹം ശക്തമാക്കുകയും അതുവഴി ശാരീരകപ്രവര്‍ത്തനങ്ങള്‍ സാധാരണഗതിയിലേക്കു കൊണ്ടുവരികയുമാണ്‌ ഈ മര്‍മചികിത്സകൊണ്ടു സാധിക്കുന്നത്‌.

മുഴുവന്‍ ശരീരത്തെയും കാല്‍പാദങ്ങളില്‍ പ്രതിനിധീകരിച്ചുകൊണ്ടും പ്രത്യേക ഉപകരണമുപയോഗിച്ചു മര്‍ദം കൊടുത്തു ശരീരത്തെ ഉത്തേ ജിപ്പിച്ചുകൊണ്ടും ശരീരത്തിലെ എല്ലാ പ്രവര്‍ത്തനങ്ങളെയും നിയന്ത്രിക്കുക, രോഗങ്ങളെ മാറ്റുക എന്ന തിബറ്റിയന്‍ സങ്കല്‌പമനുസരിച്ചുള്ള ചികിത്സാസമ്പ്രദായമാണിത്‌. മനസ്സിനു വളരെയധികം കുളിര്‍മ കിട്ടുന്നതിനാല്‍ സുഖകരമായി ഉറക്കം കിട്ടാനും മാനസികപിരിമുറുക്കമകറ്റാനും ഈ ചികിത്സാരീതി ഏറെ ഫലപ്രദമാണ്‌. രോഗപ്രതിരോധശക്തിയും രോഗശമനത്തിനുള്ള ശക്തിയും ഓരോ മനുഷ്യന്റെ ഉള്ളിലും നിക്ഷിപ്‌തമാണ്‌. അത്രയ്‌ക്ക്‌ സമ്പൂര്‍ണ്ണമാണ്‌ മനുഷ്യശരീരം. ഓരോരുത്തരുടെയും അവസ്ഥകള്‍ വ്യത്യസ്‌തമാണെന്നതുപോലെ രോഗാവസ്ഥകളും വ്യത്യസ്‌തമായിരിക്കും. അത്‌ മനസ്സിലാക്കി ചികിത്സകളെ സമന്വയിപ്പിച്ച്‌ മനസ്സിനും ആത്മാവിനും സാന്ത്വനമേകുന്നു ആരോഗ്യനികേതന്‍.